- भारतीय कमेडियन कपिल शर्मा(दायाँ) शनिवार याक एन्ड यति होटलमा नेपाली संचारकर्मीसँग कुरा गर्दै ।
२७ मंसिर, काठमाडौं । भारतीय चर्चित कमेडियन कपिल शर्मा शनिबार काठमाडौं आइपुगेका छन् । स्थानीय प्रशासनको आदेशमा दशरथ रंगशालामा शनिबारका लागि तय भएको कार्यक्रम स्थगित भएपनि कपिलले काठमाडौं यात्रा भने स्थगित गरेनन् ।
कपिल शर्मा मध्यान्ह काठमाडौं आइपुगेका हुन् । उनी भोलि आइतबार फर्किने कार्यक्रम छ ।
एनसेलले शनिबार रशरथ रंगशालामा पर्पल फेष्ट कार्यक्रम राखेको थियो । जसमा कपिलसँगै गायक सोनु निगमको पनि प्रस्तुती रहने थियो ।
तर, शुक्रबार जिल्ला प्रशासन कार्यालय काठमाडौंले सुरक्षा संवेदनशीलता भन्दै कार्यक्रम स्थगित गर्न आदेश दिएको थियो । स्थानीय प्रशासनको आदेशपछि एनसेलले कार्यक्रम स्थगित गरेको छ र टिकटका लागि डाटा खरिद गरेकाहरुलाई पैसा फिर्ता लिन आग्रह गरेको छ ।
उनको चर्चित टेलिभिजन शो कमेडी नाइट विथ कपिल भारतसँगै नेपालमा पनि निकै लोकपि्रय छ ।
