१० पुस, घोराही । दाङको तुलसीपुरमा रहेको एक पेट्रोलपम्पमा अज्ञात समुहले बम बिष्फोट गराएको छ ।
सल्यान रोडमा रहेको हाम्रो पहुँच बहुउद्देश्यीय सहकारी पेट्रोलपम्पमा अज्ञात समुहले बुधबार राती सुतलीबम बिष्फोट गराएको हो । बिष्फोटबाट पेट्रोल पम्पको काउन्टर रहेको घरको झ्यालका शिसा फुटेको छ ।
विस्फोट कसले र किन गराइयो भन्नेबारे खुल्न सकेको छैन । घटनाको अनुसन्धान सुरु गरेको ईलाका प्रहरी कार्यालय तुलसीपुरका प्रहरी प्रमुख डिएसपी चक्रराज जोशीले जानकारी दिए ।
