- ट्रकबाट बरामद कपडा भन्सार कार्यालयमा
सलमान खान
४ माघ, रुपन्देही । भारतीय भन्सार कार्यालय सुनौलीले नेपाल भित्राईंदै गरेको एक ट्रक अवैध कपडा सहित दुई जना नेपालीलाई पक्राउ गरेको छ । पक्राउ पर्नेहरुमा ना २ ख ५०२० नम्बरको ट्रक चालक पर्सा पथलैया-६ का रितेश महतो चौधरी र सोही ट्रकका हेल्पर छन् ।
वीरगंजका गोपालप्रसाद कान्दुको सो ट्रकबाट ३२ लाख मूल्य बराबरको कपडा बरामद भएको भारतीय भन्सार कार्यालय सुनौलीका प्रमुख विरेन्द्र चौधरी अनलाइनखबरलाई बताए ।
झट्ट हेर्दा ट्रक खालि देखिए पनि भित्री ट्रलिभित्र खापा बनाएर कपडा लुकाइएको थियो । प्रहरीले स्क्रु खोलेर खापा उप्काइ कपडाका थान बाहिर निकालेको थियो ।
