काठमाडौं। संविधान निर्माणका विषयमा प्रमुख राजनीतिक दलहरु दुई कित्तामा उभिएको बेला एक जना गायकले गीत मार्फत देश जोगाउन भन्दै खबरदारी गरेका छन् ।
ज्ञानीकुमार खड्काको स्वर, शब्द र संगीत रहेको खबरदार…बोलको गीत अहिले आम स्रोताको विचमा चर्चाको विषय बनिरहेको छ । मनोरञ्जन कम सन्देश बढी भएको उक्त गीतमा गायकले सिमाना जोगाउन खुकुरी बोक्नुपर्ने कुरा गरेका छन् ।
खबरदार ….खुकुरी झिक्नु नपरोस्
जोगाउन देशको सिमाना
पुर्खाले खेदाए साम्राज्यवाद
बिस्तारवादको अब पालो …
गीत सुन्दा लाग्छ पछिल्लो समय कतिपय ठाउँमा नेपालको सिमाना मिचिएको र जंगे पिल्लर हराएको विषयमा गायक बढी नै चिन्तित रहेछन् । मेचीलाई छुन नखोज चाँदनी दोधारा हाम्रो हो भन्दै गायक खड्काले नालापानी युद्धमा नेपाली पूर्खाले गरेको योगदान पनि संस्मरण गरेका छन् ।
राष्ट्रियताका सन्दर्भ समेटिएका गीत सुनेर मनोरञ्जन लिने स्रोताको लागि ‘खबरदार’ बोलको भिडियो आफैंमा रोचक हुन सक्छ ।
भिडियो
