ताप्लेजुङका अग्निपीडितलाई एमालेको १० लाख

११ चैत, काठमाडौं । ताप्लेजुङको फुङलिङ सदरमुकाम आगलागीबाट पीडित भएकाहरुलाई राहतका लागि एमालेले १० लाख रुपैयाँ प्रदान गर्ने भएको छ ।

बुधवार अध्यक्ष केपी ओलीको निवास बालकोटमा बसेको स्थायी कमिटी बैठकले अग्निपीडितका लागि पार्टीको तर्फबाट १० लाख रुपैया दिने निर्णय गरेको हो ।

पार्टीको कोषबाट सो रकम पीडितलाई प्रदान गरिने सचिव योगेश भट्टराईले जानकारी दिए ।

यसैबीच एमाले सम्बद्ध युवा संघ र अनेरास्ववियुले पनि ताप्लेजुङका अग्निपीडितको राहतका लागि रकम संकलन गरिरहेका छन् ।

अखिलले मंगलवार भोटाहिटीबाट रकम संकलन गरेको थियो भने युवा संघले बुधवार बानेश्वरबाट शुरु गरेको छ ।