१५ चैत, मुगु । यहाँको सदरमुकाम गमगढीबाट २१ कोष उत्तर-पश्चिममा पर्ने धैनकोट गाविसको बलाडी भन्ने ठाउँ नजिकै मुगु कर्णाली नदीमा डुबेर एकैघरका तीन बालबालिकाको मृत्यु भएको छ ।
मृत्यु हुनेमा धैनकोट गाविस-६ भियालवाडा निवासी बली सार्कीकी छोरीहरु १२ वर्षीया नन्दादेवी, १० वर्षीया विष्णुदेवी र ८ वर्षीय छोरा कुशल सार्की रहेको जगतमाला उच्च माध्यमिक विद्यालय धैनका शिक्षक नरजित मल्लले जानकारी दिए ।
शनिबार भेडा चराउन गएकाबेला नदीमा नुहाउन लाग्दा उनीहरुको पानीमा डुबेर मृत्यु भएको बताइएको छ ।