२४ चैत, काठमाडौ । भन्सारका कर्मचारीको पहिचानका लागि राज्यले छुट्टै पोशाकको ब्यवस्था गर्ने भएको छ । अन्तर्राष्ट्रिय प्रचलन अनुसार नेपाली भन्सारका कर्मचारीका लागि त्यस्तो ब्यवस्था गर्न लागिएको हो ।
नयाँ वर्षको सुरुवातसँगै भन्सार विभाग अन्तर्गतका १ हजार २ सय ९० कर्मचारी सवै नयाँ पोशाकमा सजिने अभियान दैनिकमा खबर छ ।
राज्यले गरेको नयाँ पोशाकको ब्यवस्थामा कालो जुत्ता एवम् भन्सारको लोगोसहितको सुट, टाई र क्याप हुनेछ । सुट गाढा खरानी, सर्ट घ्यू रंग र टाइ सेता धर्कासहित निलो रंगको हुनेछ ।
यस्तो पोशाक महिला तथा पुरुष दुवै कर्मचारीले प्रयोग गर्न सक्नेछन् । तर महिलाले छुट्टै पोशाक लगाउन चाहेमा भने प्याजी रंगको साडी, सोही रंगको ब्लाउज र कालो जुत्ता लगाउनुपर्नेछ ।
भन्सार कर्मचारी राज्य सीमानाको पहिलो स्थानमा बस्ने भएकाले उनीहरुको छुट्टै पहिचानका लागि यस्तो ब्यवस्था गर्न लागिएको विभागका महानिर्देशक शिरिरकुमार ढुंगानाले जानकारी दिए ।