२९ चैत, काठमाडौं । बाग्लुङ १ मा भएको उपचुनावमा एमाओवादीसहित ११ उम्मदेवारको जमानत जफत भएको छ ।
उपचुनावमा कांग्रेस उम्मेदवार चम्पादेवी खड्का विजयी भएकी छन् । उनी तत्कालिन सभासद हरिबहादुर खड्काकी पत्नी हुन् । खड्काको दुर्घटनामा निधन भएपछि उपचुनाव भएको थियो ।
खड्काले १९ हजार १४५ मत पाएकी छन् भने निकटतम प्रतिद्वन्द्वी एमालेकी मनकुमारी केसीले १५ हजार ८६ मत पाएकी छिन् ।
तेस्रो स्थानमा रहेका एमाओवादी उम्मेदवार कृष्ण केसीको भने जमानत जफत भएको छ । जमानत बचाउन ३८ सय मत ल्याउनु पर्ने थियो । तर, केसीले २ हजार ५०५ मत मात्र पाएका छन् ।
अघिल्लो संविधानसभामा एमाओवादीले ६ हजार मत पाएको थियो । चौथो स्थानमा राष्ट्रिय जनमोर्चाका नेत्र बुढाथोकी र पाँचौंमा मालेका कुलबहादुर किसान रहे ।
राप्रपा र राप्रापा नेपालका संयुक्त उम्मेदवार नविनचन्द्र सरवुजा छैटौं स्थानमा रहे ।