२५ वैशाख, काठमाडौं । अघिल्लो शनिबार गएको महाविनशकारी भूकम्पमा परेर ज्यान गुमाएका खेलकुद पत्रकार सुमन भोम्जनको परिवारलाई नेपाल साम्बो संघले आर्थिक सहयोग प्रदान गरेको छ ।
संघका अध्यक्ष धनाञ्जय श्रेष्ठले नेपाल खेलकुद पत्रकार संघमार्फत मृतक भोम्जनको परिवारलाई १० हजार रुपैयाँ दिएका हुन् । संघले भूकम्पमा परी घरबार बीहिन भएका साम्बो खेलाडी नुवाकोटका तीर्थलाल तामाङ र रामेछापकी रञ्जना खड्कालाई ५/५ हजार रुपैयाँ प्रदान गरेको छ ।
१ लाखको राहत
यसैबीच संंघले भूकम्प पीडितलाई एक लाख रुपैयाँ बराबरको राहत सामाग्री वितरण गर्ने भएको छ । संघले आगामी हप्ता नुवाकोट र सिन्धुपाल्चोकका भूकम्प पीडितलाई राहत सामाग्री वितरण गर्ने महासचिव उत्तम श्रेष्ठले जानकारी दिए ।