- भूकम्पपछि सुरक्षित ठाउँ खोज्दै ह्युमपाइप भित्र बसेका ललितपुर ग्वार्कोका बासिन्दाहरू । तस्वीर विकाश श्रेष्ठ/अनलाइनखबर
श्रीधर पौडेल/विकाश श्रेष्ठ/कविन अधिकारी
२९ बैशाख, काठमाडौं । बैशाख १२ गतेको ७.८ रेक्टरको महाभूकम्पको आतंक केही मत्थर भएकै बेला मंगलबार अर्को ठूलो भूकम्पको धक्काले सर्वसाधारणलाई आतंकित बनाएको छ ।
मंगलबारको भूकम्पपछि राजधानीबासीहरु फेरि सुरक्षित स्थानको खोजीमा खुल्ला मञ्चमा भेला भएका छन् । सडक विस्तारको लागि ललितपुर ग्वार्कोमा राखिएका ह्युमपाइप भित्र मानिसहरू बसेको पनि देखियो ।
राजधानीका सडकमा राजधानीवासीहरु त्रिपाल, म्याट्रेस, ब्ल्याङकेट बोकेर आतंकित हुँदै खुल्ला स्थानमा निस्किएका छन् । राजधानीका टुँडीखेल, रंगशाला, भृकुटीमण्डप लगायतका स्थानमा मानिसहरुको भीड लागेको छ ।
त्यसैगरी, सडक किनारामा रहेका खाली स्थानहरुमा पनि मानिसको भीड छ । खुल्ला ठाउँहरुमा फेरि त्रिपाल टाँग्न थालिएको छ ।
वैशाख १२ गतेपछि तीन/चार रात उपत्यकाबासीहरु त्रिपाल मुनि सुतेका थिए । मंगलबार पनि राजधानीबासीहरु सडकमा ओर्लिएका छन् ।
भूकम्पपछि सार्बजनिक तथा निजी सवारी साधनहरु रोकिएपछि केही समयसम्म ट्राफिक व्यवस्थापन अस्तव्यस्त भएको थियो । सुरक्षाकर्मीहरू घाइतेको उद्धार गरी उपचारका लागि अस्पताल लैजान व्यस्त छन् ।
मंगलबारको भूकम्पपछिका केही दृश्य –