५ जेठ, काठमाडौं । रापती समाज काठमाडौंले वैशाख १२ को भूकम्पमा घर गुमाएका रङ्ग पत्रकार कुबेर गिरीलाई जस्तापाता सहयोग गरेको छ ।
दाङ-काठमाडौं पत्रकार समाजको पहलमा रापती समाजले पत्रकार गिरीलाई मंगलबार दुई बन्डल जस्तापाता सहयोग गरेको हो ।
समाजकी कोषाध्यक्ष सीमा पुरीले आफूहरुको सहयोगबाट पत्रकार गिरीलाई धेरै राहत मिल्ने अपेक्षा गरिएको बताइन् ।
वैशाख १२ को भूकम्पले रङ्ग पत्रकार गिरीको काठमाडौं रामकोटस्थित निवासमा क्षति भएको थियो । घर भत्केर बस्न समस्या भएकाबेला रापती समाजले गरेको सहयोगप्रति उनले खुसी व्यक्त गरे ।
रापती समाजले यसअघि गोरखा र काभ्रेका पनि भूकम्प पीडितहरूलाई पनि सहयोग गरेको थियो ।
‘अति प्रभावित जिल्लाका दुर्गम गाउँका पीडितहरूलाई पनि सहयोग गर्ने तयारीमा छौं’, रापती समाजका अध्यक्ष शशी शर्मा मजगैयाँले भने, ‘वास्तविक पीडितले आग्रह गरे तत्काल राहत पुर्याउने निर्णय गरिसकेका छौं ।’