७ जेठ, काठमाडौं । नेकपा एमाले र एकीकृत नेकपा माओवादीले भूकम्प प्रभावित जिल्लामा उद्धार र पुनर्निर्माणको काममा खटिने टोलीलाई विहीबार विदाइ गर्दैछन् ।
एमालेले ललितपुरस्थित एक पार्टी प्यालेसमा विदाइ कार्यक्रम राखेको छ । एमाओवादीले भने पार्टी कार्यालय कोटेश्वर पेरिसडाँडामा टोलीलाई विदाइको कार्यक्रम राखेको छ ।
एमाले र एमाओवादीका शीर्ष नेताहरुले भूकम्प पीडितहरुकालागि अस्थायी आवास निर्माणमा खटिने टोलीको विदाइ गर्ने छन् । उनीहरूले स्वयमसेवक टोलीलाई प्रशिक्षण समेत दिनेछन् ।
राजनीतिक दलहरुले आ-आफ्ना टोलीलाई अनुशासित भएर पुनर्निर्माण र पुनर्वासमा खटिन निर्देशन दिएका छन् ।
एमाले र एकीकृत माओवादीले भूकम्प प्रभावित जिल्लामा शीर्ष नेताहरु नै खटिने गरी जिम्मेवारी बाँडफाड गरेका छन् ।
यो पनि पढ्नुहोस्
