२८ जेठ, काठमाडौं । नेपाल राष्ट्र बैंकले बिहीबार ५ अर्ब रुपैयाँ बराबरको विकास ऋणपत्र जारी गरेको छ । उक्त ऋणपत्रमा दिउँसो तीनबजेसम्म आवेदन दिन सकिने राष्ट्र बैंकले जनाएको छ ।
असार १ गतेदेखि गणना भएर नौ वर्षे समयावधि रहेको यो ऋणपत्रको व्याजदर भने बोलकबोलमा परेको सबैभन्दा दरलाई नै तोकिने छ ।
अनलाइनबाट पनि आवेदन दिन सकिने यो ऋणपत्रको बाँडफाँट शुक्रबार हुनेछ । न्यूनतम ५० हजार रुपैयाँ बराबरको माग आवेदन दिन सकिने राष्ट्र बैंकले जनाएको छ ।
यो ऋणपत्रको व्याजदर प्रत्येक ६ महिनामा प्रदान गरिनेछ । उक्त व्याजदरमा व्याजकर लाग्ने राष्ट्र बैंकले जनाएको छ ।
यसिअघि राष्ट्र बैंकले जारी गरेको ६ वर्षे विकास ऋणपत्रमा ३७ अर्ब रुपैयाँको माग आवेदन परेको थियो । सो ऋणपत्रमा बोलकोलका अाधारमा ३.४४ प्रतिशत व्याजदर निर्धारण भएको थियो ।
बैंकिङ प्रणालीमा झन्डै १ खर्ब रुपैयाँ अधिक तरलता भएकाले बिहीबार जारी ऋणपत्रमा पनि मागभन्दा अत्यधिक धेरैको आवेदन पर्ने अनुमान गरिएको छ ।
भूकम्पले पुर्याएको क्षतिको पुनसंरचनाका लागि सरकारले यो आर्थिक वर्षको अन्त्यसम्ममा ५३ अर्ब रुपैयाँ आन्तरिक ऋण उठाइसक्ने प्रवक्ता श्रेष्ठले जानकारी दिए । यसअघि नै साढे ७ अर्ब रूपैयाँ बराबरको ऋणपत्र बिक्री गरिसकिएको छ ।
राष्ट्र बैंकले जेठ १२ गतेदेखि २६ गतेसम्म बिक्री खुल्ला गरेको ३ अर्ब ५० करोड रूपैयाँ बराबरको बचतपत्रमा २ अर्ब ३४ करोड रुपैयाँ बराबरको आवेदन परेको ।
सम्बन्धित समाचार