३२ साउन, काठमाडौं । आइएमइ कोअपरेटिभले गत आर्थिक वर्षमा ६ करोड रुपैयाँ नाफा कमाएको छ । सो अवधिमा संस्थाले १ अर्ब ३९ करोड रुपैयाँ बचत संकलन गरी १ अर्ब ५ करोड ८० लाख रुपैयाँ लगानी गरेको जनाएको छ ।
संस्थाका कार्यकारी अध्यक्ष योगेश्वर ढकालको अध्यक्षतामा सोमबार सम्पन्न ५ औं साधारणसभामा ग्लोबल आईएमई बैंकका अध्यक्ष चन्द्रप्रसाद ढकालको प्रमुख आतिथ्यता थियो ।
कार्यकारी अध्यक्ष ढकालले सेयर सदस्यहरुलाई १५ प्रतिशतका दरले लाभांश वितरण गर्न गरेको प्रस्ताव सर्वसम्मत पारित भएको छ ।
कार्यक्रमका मुख्य अतिथि चन्द्र ढकालले संस्थाले छोटो अवधीमा नै उल्लेख्य प्रगतिगर्न सफल भएको बताउँदै ७५ जिल्लामा रहेका सहकारी-सहकारी बीचको सम्वन्ध स्थापित गर्ने क्रममा रेमिटान्सको माध्यमबाट सम्वन्धविस्तार गर्न र अनुपालन, सेवा, व्यवसायिक सञ्जाल, गुणस्तर लगानी, आम्दानी र सक्षमताको हिशाबले एक उत्कृष्ट सहकारीको रुपमा स्थापित हुने विश्वास व्यक्त गरे ।
आइएमइका प्रमुख कार्यकारी अधिकृत सुमन पोखरेलले आगामी दिनमा संस्थाको प्रगतीको बृद्धिदर बिगत बर्षहरुको भन्दा अझबढी बढाउन संस्था सफलहोस भन्ने कामना गरे । संचालक समितिको रिक्तपदपुर्तिमा दामोदर खनाल र उपेन्द्र घिमिरे सर्वसम्मत निर्वाचित भए ।
प्रतिक्रिया 4