निमुसंगम घर्ती
९ भदौ, घोराही । दाङमा बुधबार भएका दुई छुट्टा छुट्टै सवारी साधन दुर्घटना हुँदा ४३ जना घाइते भएका छन् । घाइतेमध्ये ९ जनाको अवस्था गम्भीर छ ।
रोल्पाबाट तुलसिपुरका लागि छुटेको रा १ ख ८३९ नम्बरको बस घोराही-लमही सडकखण्डको लक्ष्मीपुर १ बबई खोलामा पल्टिएको थियो ।
गम्भिर घाइते हुनेहरुमा घोराही ४ का २१ वर्षीय सुरेन्द्र सुनार, लक्ष्मीपुर ६ की ११ वर्षीया झरना नेपाली र तुलसिपुर नगरपालीका १६ निबासी २९ वर्षीय दिनेश चौधरी रहको जिल्ला ट्राफिक प्रहरी कार्यालय दाङले जानकारी दिएको छ ।
घाइते तीनै जनाको नेपालगञ्जमा उपचार भैरहेको छ । अन्य २४ जना राप्ती उपक्षेत्रीय अस्पताल घोराहीमा उपचार पछि फर्किएको प्रहरीले बताएको छ ।
यसैबीच रामपुरबाट घोराही आउँदै गरेको जिप घोराही ४ वडरीमा दुर्घटना हुँदा १६ जना घाइते भएका छन् । रा १ ज ४०३ नम्बरको जिप ब्रेक फेल भएर दुर्घटना हुँदा चालकसहित १५ जना घाइते भएका हुन् ।
सोही क्रममा जिपले रा २ प १६४४ नम्बरको मोटरसाइकल लक्ष्मीपुर ९ निबासी ३८ वर्षीय खिमलाल गिरी गम्भीर घाइते भएका छन् । गिरीलाई घोराहीमा प्राथमिक उपचारपछि थप उपचारका लागि नेपालगञ्ज लगिएको छ ।
ट्याक्सीका गम्भिर घाइतेहरु चालक लक्ष्मीपुर ७ का गिरीराज घर्ती, यात्रुहरु रामपुर ६ का ४० वर्षीया प्रभा चौधरी, ३४ वर्षीय शिबकुमार खत्री, रामपुर ४ की सुशीला चौधरी र ६० वर्षीय भुबनेश्वर पाण्डेलाई घोराहीमा प्राथमिक उपचार पछि थप उपचारका लागि नेपालगञ्ज रिफर गरिएको ट्राफिक प्रमुख बिरबहादुर थापाले जानकारी दिए ।
घोराही-लमही सडकखण्डको कटुवाखोलामा पुल बन्ने भएपछि सडक विगि्रएकाले डबरी हुँदै चौघेराबाट कच्ची सडकमा सवारीका साधनहरु सञ्चालन हुदै आएका थिए ।
प्रतिक्रिया 4