१३ भदौ, काठमाडौं । वार्ताका लागि आन्दोलनरत पक्षले राखेको सर्तबारे छलफल गर्न प्रमुख चार दलका शीर्ष नेताहरुको बैठक अहिले बसिरहेको छ ।
बालुवाटारमा जारी बैठकमा प्रधानमन्त्री सुशील कोइरालाले वार्ताका लागि मधेसी मोर्चा, थरुहट संघर्ष समिति लगायतले राखेको सर्तबारे जानकारी गराएका छन् ।
मधेसी मोर्चाले वार्ताका लागि चारबुँदे सर्त राखेका छन् । जसमा संविधान निर्माण प्रक्रिया रोक्नु पर्ने, विगतमा भएको सहमति कार्यान्वयन गर्नु पर्ने लगायतका छन् । थरुहट संघर्ष समिति र मधेसी मोर्चाले वार्ताका लागि सेना र सशस्त्र प्रहरीलाई ब्यारेकमा फिर्ता गर्नु पर्ने लगायतका सर्त पनि अघि सारेका छन् ।
बैठकमा संविधानको विधेयकमा संशोधनबारे पनि छलफल हुँदैछ । संविधानसभा सचिवालयले संशोधन दर्ताका लागि सभासदहरुलाई सात दिनको समय दिने तयारी गरेको छ ।
तर, एमालेले भने समय छोट्याउनु पर्ने बताएको छ । आजको चार दलका शीर्ष नेताहरुको बैठकमा यसबारे छलफल हुनेछ ।
प्रतिक्रिया 4