३ असोज, काठमाडौं । नेपालको संविधान जारी भए लगत्तै जनताले स्वस्फूर्त रुपमा यसको स्वागतमा दिपावली गर्दै खुसियाली मनाए । संविधानसभा भवन नयाँ बानेश्वर अगाडि सर्वसाधारणले उत्सव मनाए ।
काठमाडौं बाहिर जिल्लाहरुमा पनि दिपवाली गरिएको छ । तराई मधेशका पूर्व पश्चिम महेन्द्र राजमार्ग उत्तरका बजारमा उत्सव मनाइए पनि दक्षिणतर्फ भने उत्सव भएन । संविधान जारी भएको खुसियालीमा उत्सव मनाउन युवा पुस्ता सडकमा निस्किएको थियो ।
यसअघि संविधान घोषणा गर्न राष्ट्रपति रामवरण यादव संविधानसभातर्फ अघि बढ्दा सयौं सर्वसाधारणले उनको भव्य स्वागत गरे । राष्ट्रपति आउने सडकको दुर्वतर्फ सर्वसाधारण जनता नेपालको राष्ट्रिय झण्डा फहाराउदै स्वागतार्थ लामो समयसम्म प्रतिक्षा गरेका थिए ।
राष्ट्रको बग्गी नयाँ बानेश्वरतर्फ अघि बढ्दा सडक किनाराबाट सर्वसाधारणले उनको स्वागत गरेका थिए ।
तस्वीरः श्रीधर पौडेल, विकाश श्रेष्ठ, कविन अधिकारी/अनलाइनखबर