वैदेशिक रोजगारमा मृत्यु हुनेको संख्या बढ्दो

५ असोज, काठमाडौं । आर्थिक उन्नतीका लागि वैदेशिक रोजगारीमा गएका युवायुवतीको उतै मृत्यु हुने क्रम बढेको छ ।

वैदेशिक रोजगारीमा रहेकाहरु मुटुसम्बन्धी समस्या, हृदयघात, प्राकृतिक मृत्यु, सडक दुर्घटना, आत्महत्या, कार्यक्षेत्र दुर्घटना, हत्यालगायतका कारणले ज्यान गुमाउने गरेको वैदेशिक रोजगार प्रवर्द्धन बोर्डले जनाएको नागरिकमा खबर छ ।

२०६४ सालयता चार हजार चार सय एक कामदारले विदेशी भूमिमा ज्यान गुमाएको बोर्डले जनाएको छ । उक्त अवधिमा चार हजार तीन सय १४ पुरुष र ८७ जना महिलाले ज्यान गुमाएका छन् ।

जीवनशैली, तनाव, अस्वस्थकर खानपान, धूमपा तथा मध्यपानका कारण नेपालीहरुलाई मुटुसम्बन्धी रोग लाग्ने गरेको छ ।