एमाले नेता इश्वरीप्रसाद पाण्डेको निधन

३० कात्तिक, काठमाडौं । नेकपा एमालेका पूराना नेता तथा नवलपरासी जिल्ला विकास समितिका पूर्व सभापति इश्वरी प्रसाद पाण्डेको सोमवार उपचारकै क्रममा निधन भएको छ ।

लुम्बिनी एमालेका बरिष्ठ नेता मानिने पाण्डेको उपचारका क्रममा त्रिवि शिक्षण अस्पतालमा निधन भएको एमाले केन्द्रीय कार्यालय सचिव कृष्णगोपाल श्रेष्ठले जनाएका छन् ।

पाण्डेको पार्थिव शरीर एमाले केन्द्रीय कार्यालय धुम्बाराहीमा राखेर श्रद्धाञ्जली दिइएको छ । श्रद्धाञ्जली कार्यक्रममा प्रधानमन्त्री तथा पार्टी अध्यक्ष केपी शर्मा ओली सहितका नेताहरु सहभागी भएका छन् ।