१ मंसिर, काठमाडौं । सर्वसाधारणलाई दाउराको लाइनमा राखेर नेपाल आयल निगमले मट्टतिेल भण्डारण गरेर राखेको पाइएको छ ।
खाना पकाउने ग्यास र मटितेल सकिएको भन्दै सरकारले हालै मात्र काठमाडौंमा दाउरा बेचेको थियो । तर, आयल निगमसँग झण्डै ८ लाख लिटर भन्दा बढी मट्टतिेल मौज्दात राखेको खुलेको छ ।
आयल निगमको थानकोट डिपोमा पनि २ लाख २१ हजार लिटर मट्टतिेल मैज्दात छ भने बाराको अमलेखगञ्ज डिपोमा मात्रै ५ लाख ९७ हजार लिटर मट्टतिेल भण्डारमा रहेको स्रोतले बताएको छ ।
यदि प्रति परिवार ५ लिटरको दरले बाँड्ने हो भने १ लाख ६० हजार परिवारलाई पुग्छ । र, ५ लिटर मटितेल पाउँदा अहिलेको संकटको बेलामा ठूलै राहत हुन्छ ।
यसैगरी निगमका विभिन्न क्षेत्रीय डिपोहरुमा प्रतिडिपो २०/२५ हजार लिटर मट्टतिेल मौज्दात छ ।
उपभोक्तालाई दाउरा बेचेर मटितेल किन मौज्दातमा राखेको भन्ने प्रश्नमा निगमका अधिकारीहरु ‘सुरक्षा र अत्यावश्यकका लागि भन्ने गरेका छन् । आयल निगमका कार्यकारी निर्देशक गोपालबहादुर खड्काले भने-‘सुरक्षा र अत्यावश्यक अवस्थाका लागि मट्टतिेल राखिएको हो ।’
साथै उनले बाराको अमलेखगञ्ज डिपोमा रहेको मट्टतिेल कुनै हालतमा काठमाडौं नल्याउने अडानमा छन् । तर, निगमकै एक अधिकारीले थानकोट डिपोले माग गरे अमलेखगञ्जमा रहेको मट्टतिेल काठमाडौं आउने बताउँछन् ।
प्रतिक्रिया 4