यूएई- यूएईको नेपाली समुदायमा सहयोगी तथा मध्यमार्गी व्यक्तित्वका रुपमा परिचित एनआरएन एनसीसी यूएईका पूर्वअध्यक्ष कृष्णप्रसाद भुसाललाई बिदाई गरिएको छ ।
एनआरएन यूएईको समन्वयमा फेब्रुवरी ८ तारिखमा नेपाली दूतावास परिसरमा आयोजित कार्यक्रममा भुसाललाई ससम्मान बिदाई गरिएको एनआरएन यूएईका उपाध्यक्ष रमेश श्रेष्ठले जानकारी दिए ।
कार्यक्रममा नेपाली दूताबासको तर्फबाट राजदूत धनन्जय झाले सम्मानपत्र प्रदान गर्दै दोसल्ला ओडाएर बिदाई गरेका थिए ।
एनआरएनका केन्द्रीय तथा विभिन्न क्षेत्रीय पदाधिकारीहरुको उपस्थितिमा आयोजित बिदाई कार्यक्रममा सबैले भुसालको योगदानको चर्चा गर्दै नेपालमा पनि समाजसेवाको क्षेत्रमा लागिरहन सुझाएका थिए ।
एनआरएनका अध्यक्ष सुदिप कार्कीको सभापतित्वमा आयोजित विदाई कार्यक्रममा कार्कीले भुसालको सहनशीलताको व्याख्या गर्दै उनीबाट धेरै कुरा सिकेको बताए ।
बिलाई कार्यक्रममा राजदूत झाले एनआरएनमा भुसाल अध्यक्ष रहँदाको कार्यकाल सफल रहेकोमा प्रशंसा गरेका थिए ।
१६ वर्षभन्दा बढी यूएईमा रोजगार गरेपछि गत वर्ष मोबाइल एसोसरिजको व्यावसायमा हात हालेका भुसाल यूएई पुनः नर्फकने गरी जान लागेका हुन् ।