२५ चैत, काठमाडौं । विश्व क्रिकेट लिग च्याम्पियनसिप अन्तरगत नेपाल र नामिबियाबीचको खेलको टिकट बिक्री सुरु भएको छ ।
बिहीबारबाट टिकट बिक्री सुरु भएको हो । टिकटको मूल्य १०० रुपैयाँ राखिएको छ । टिकट खरिद इसेवाबाट गर्नु पर्नेछ ।
मैदानको क्षमता १५ हजार भएकाले त्यति टिकट बिक्रीको लक्ष्य राखिएको नेपाल क्रिकेट संघ क्यानकी सीइओ भावना घिमिरेले जानकारी दिइन् ।
नेपाल र नामिबियाबीचको खेल आगामी वैशाख ४ र ६ गते कीर्तिपुर मैदानमा हुनेछ । दुबै खेलका लागि अलग अलग पास लिनु पर्नेछ ।
