नायिका आलिया भट्ट र नायक सिद्धार्थ मल्होत्राको प्रेमको चर्चा बी टाउनमा चल्न थालेको लामै समय भैसकेको छ । तर, यो बर्षको सुरुवातबाट नै यी दुई अलग भएको चर्चा सुरु भएको थियो । सिद्धार्थ आलियासँग दिक्क भएकाले ब्रेकअप भएको खबर मिडियामा आएको थियो । यता, आलिया निकट श्रोतका अनुसार सिद्धार्थका कारण यी दुई अलग भएको चर्चा भारतीय मिडियामा चलेको थियो ।
तर, सिद्धार्थले प्रेमको बिषयमा मुख खोलेका छन् । जबकी, लामो समयदेखि प्रेममा रहेर पनि यो जोडीले मुख खोलेको छैन । सिद्धार्थले चलचित्र ‘बार बार देखो’को इन्ड क्ल्यापमा समाचारमा आएको कुरा कसले लेख्यो भनेर प्रश्न गरेका थिए ।
उनले आलिया र आफूले काम गरेको चलचित्र ‘कपूर एन्ड सन्स’ हिट भएको र आलियालाई आफूले एकदमै प्रेम गर्ने बताएका छन् । आलियाले साथीहरुसँग आफ्नो प्रेमको बिषयमा स्पष्ट कुरा गर्दै आलियालाई आफूले गहिरो प्रेम गरेको जनाएको मिडियाको दाबी छ ।
