२६ वैशाख, काठमाडौं । तीन ठूला राजनीतिक दलले यातायात खुलाउने बाहनामा राज्य पक्षलाई झुकाउने निर्णय गरेका छन् ।
शुक्रबार साँझ गोरखाको होटल मिराकलमा बसेको कांग्रेस, एमाले, एनेकपा माओवादीको बैठकले सिन्डिकेटका दुई समितिको आग्रहअनुसार निर्णय गर्दै प्रहरी प्रशासनलाई तल पारेर यातायात खुलाउन दबाब दिने निर्णय गरेका अाजको अन्नपूर्णमा समाचार छ ।
दलहरुको बैठकपछि जारी वक्तव्यमा सार्वजनिक यातायात छेकथुन, तोडफोड गर्ने प्रहरी कार्यालय तोडफोड गर्ने र प्रहरीमाथि आक्रमण गर्नेलाई विनासर्त छाड्न दबाब दिने निर्णय गरिएको हो । तीन दिनदेखि बन्द बस सेवा सुचारु गराउन तीन दलको बैठक बसेको थियो ।
यस्तै गोखरखाका विभिन्न स्थानमा प्रहरीले ज्यादति गरेको भन्दै भत्सर्ना गरिएको छ ।
गोरखा यातायात र पृथ्वी यातायातले जिल्लामा अरु यातायातलाई गाडी चलाउन नदिन दबाब दिन गोरखामा तीन दिनदेखि सार्वजनिक यातायात सेवा अवरुद्ध गरेका छन् ।
