३१ वैशाख, काठमाडौं । ट्राफिक प्रहरीले भोलिदेखि कार्यान्वयन गर्न लागेको नयाँ ट्राफिक जरिवाना स्थगित गर्न यातायात व्यवसायी र मजदुर संगठनले माग गरेका छन् ।
गृहमन्त्री शक्ति बस्नेतलाई ज्ञापनपत्र बुझाउँदै विभिन्न यातायात सम्बद्ध संगठनले जरिवाना बढाएर ट्राफिकसम्बन्धी समस्या हल नहुनेतर्फ सरकारको ध्यानाकर्षण गराएका हुन् ।
ज्ञापनपत्र बुझ्दै गृहमन्त्री बस्नेतले व्यवसायीको मागलाई यथासक्य रुपमा सम्बोधन गर्ने आश्वासन दिएका छन् । गृह प्रवक्ता यादवप्रसाद कोइरालाले कानुनी रुपमै जरिवना बढेको स्थगित गर्न नसकिने भन्दै कुनै अव्यवहारिक व्यवस्था भएमात्रै सच्याइने बताए ।
ट्राफिक प्रहरीले कम्तिमा ५ सय रुपैयाँ जरिवाना रकम राखेर १ हजार र १५ सय रुपैयाँसम्म तिराउने गरी नयाँ व्यवस्था भोलिदेखि कार्यान्वयन गर्दैछ ।
गृहमन्त्री अब सबै पक्षसँग छलफल गरेर मात्रै नयाँ जरिवाना रकम कार्यान्वयन गर्ने सहमति भएको नेपाल यातायात स्वतन्त्र मजदुर संगठनका भीम ज्वाला राईले दावी गरे ।
प्रतिक्रिया 4