सोनाक्षी विवादको स्टाटस प्रियंकाले हटाइन्, तर फ्यानले ‘चुप्पा’ गरेकै फोटोमा गरे आलोचना

नेपाली सेनाका जर्नेल बलिउड नायिका सोनाक्षी सिन्हालाई स्वागत गर्न विमानस्थल पुगेको खबर सार्वजनिक भएसँगै यसले खुबै विवाद सिर्जना गरिरहेको छ । विशेषगरि, बलिउड नायिकालाई सुरक्षा दिन र स्वागत गर्न नेपाली सेनाकै जर्नेल किन गए भन्ने प्रश्नले सर्वत्र आलोचना भैरहेको छ । नेपाली चलचित्रका चर्चित नायक राजेश हमालले नै यो कुराको विरोध गरे ।

शनिबार काठमाण्डौको टुँडिखेलमा आयोजना भएको ‘अमरपन्छी’ कार्यक्रमका लागि नेपाल आएकी बलिउड नायिका सोनाक्षी सिन्हालाई स्वागत गर्न नेपाली सेनाका जर्नेल त्रिभुवन विमानस्थल पुगेका थिए ।

बलिउड नायक साहरुख खान, आमिर खान, सन्नी लियोनी, रविना टन्डन लगायत आउँदा सुरक्षाको जिम्मा नेपाल प्रहरीले लिएको देखिन्छ ।
यसैविषयमा नेपाली चलचित्रकी चिनिएकी नायिका प्रियंका कार्कीले स्टाटस लेखिन् । उनले जे कुरामा पनि नकारात्मक टिप्पणी नगरौ भन्दै नेपाली सेनालाई सलाम गरेको स्टाटस राखेकी थिइन् । तर, अत्याधिक आलोचना भएपछि अहिले त्यो स्टाटस पि्रयंकाले फेसबुकबाट हटाएकी छिन् ।

तर, उनको अर्को एक तस्बिरमा पनि फेसबुक प्रयोगकर्ताले गाली गरेको देखिएको छ । प्रियंकाले सोनाक्षी विवादको बिषयमा कुरै नवुझी बोलेपछि उनको फ्यान भएको भन्नेहरुले अब उनलाई मन पराउन छाडेको शैलीको कमेन्ट गरेका छन् । उनको एक तस्बिरमा आएका केही प्रतिक्रिया यस्ता छन्:

प्रियंकाले एक तस्बिर पोष्ट गर्दै ‘तपाइहरु सबैलाई चुप्पा’ भनेर स्टाटस लेखेकी छिन् । तर, यो तस्बिरको बारेमा भन्दा पनि उनले हटाएको स्टाटसको बिषयमा धेरै कमेन्ट आएको छ । धेरैले यसलाई राजेश हमालको स्टाटसलाई आलोचना गरेर लेखेको भन्दै उनको आलोचना गरेका छन् । जसमा उनले ‘राजेश हमालको स्टाटसको बिषयमा केही नबोलेको भन्दै आफ्नै देशको आर्मीलाई किन गाली गर्नु’ भन्न मात्र खोजेको भन्दै बचाउ गरेकी छिन् । नायिका कार्कीले ‘अमरपन्छी’ कार्यक्रममा प्रस्तुती दिएकी थिइन् ।

प्रियंकाको पेजलाई लाइक गर्नेको संख्या ८ लाख ३२ हजार बढी छ । उनले आफ्ना फ्यानलाई ‘चुप्पा’ गर्दा पनि गाली खानु परेको छ ।

स्टाटसले बारम्बार विवादमा नायिका
केही समय अगाडि प्रियंकाले आफूलाई फेसबुकमा जे पायो त्यही लेख्नेहरुलाई लक्षित गर्दै एउटा स्टाटस लेखेकी थिइन् । तर, उनको त्यो स्टाटसमा पनि अत्याधिक गाली र आलोचना भरिएका शब्द आएका थिए ।

हुनत, कलाकारलाई सामाजिक संजालमा गाली आउनु कुनै नौलो कुरा होइन । तर, दर्शकले गरेका आलोचनाले कलाकारको क्रेज घटाइदिन सक्छ । यसैले सामाजिक संजालमा पोष्ट गर्ने स्टाटस र तस्बिरमा पनि कलाकारले ध्यान दिन जरुरी छ ।