२०७३ जेठ ७ गते ८:१० 
७ जेठ, काठमाडौं । कानपुरको ग्रिन पिचमा डवेन स्मिथले ८ रन दिएर चार विकेट लिएपछि आईपीएलमा गुजराज लायन्सले कोलकत्ता नाइट राइडर्समाथि ६ विकेटको जित हात पारेको छ ।
पहिले ब्याटिङ गरेको कोलकत्ताले निर्धारित २० ओभरमा ८ विकेट गुमाएर १२४ रन मात्र बनाउन सक्यो । उसका कुनै पनि ब्याट्सम्यानले टिकेर खेल्न सकेनन् । युसुफ पठानले सर्वाधिक ३६ रन बनाए । रोविन उथप्पाले २५ रन जोडे भने गौतम गाम्भीरले ८ रन बनाए ।
कोलकत्तालाई सस्तैमा समेट्ने क्रममा मिस्थले ४ ओभरमा ८ रन दिएर चार विकेट लिए ।
१२५ रनको लक्ष्य पछ्याएको गुजरात लायन्सको पनि सुरुवात राम्रो हुन सकेन । ड्वेन स्मिथ डकआउट भए भने ब्रेन्डन म्याकलम पनि ६ रनमा नै आउट भए । तर, सुरेश रैनाले सम्हालिएर खेले र टिमलाई जित दिलाएरै छाडे ।
उनले ३६ बलमा ७ चौकाको मदतमा ५४ रन बनाए । फिन्चले २६ रन जोडे भने जडेजाले ११ र दिनेश कार्तिकले १२ रनको योगदा दिए ।
जितपछि गुजराज लायन्स १३ खेलबाट १६ अंकसहित दोस्रो स्थानमा छ भने १४ अंक जोडेको कोलकत्ता चौथो स्थानमा छ ।
प्रतिक्रिया 4