२८ जेठ, काठमाडौं । नेकपा एमालेका महासचिव ईश्वर पोखरेलले सरकारको नेतृत्व परिर्वतनबारे माओवादीसँग कुनै भद्र सहमति नभएको दाबी गरेका छन् ।
शुक्रबार सञ्चारकर्मीहरुसँग कुरा गर्दै पोखरेलले दलहरुबीच सहमति जुट्छ भने नेतृत्वबारे एमाले खुला रहेको बताए । तर, अहिलेको गठवन्धन भत्काएर अर्को सरकार बनाउने प्रयास भने स्वीकार्य नहुने उनले बताएका छन् ।
एमाले र माओवादीबीच नौबुँदे सहमति हुँदा केही विषयमा छलफल भएको भन्दै उनले भने, छलफलमा सहभागी एक म पनि हुँ । बाहिर भनिए जस्तो कुनै सहमति भएको छैन ।’
प्रचण्डले केही कुरा उठाएको तर, एमालेले बजेट पास भएपछि सरकार फेर्ने कुरा अराजक हुन भनेको भन्दै उनले यसमा प्रचण्ड पनि सहमत भएको दाबी गरे । उनले अघि भने, ‘सरकार गोजीको रुमाल होइन, आज एउटाले राख्ने, भोलि अर्कोलाई दिने ।’
एमाले महासचिव पोखरेलले संविधान कार्यान्वयनका लागि केही कानुन संशोधन गर्न र नयाँ बनाउनु पने भन्दै सहमति गरेर जान प्रमुख विपक्षी कांग्रेस तयार रहेको बताए ।
प्रतिक्रिया 4