८ असार, काठमाडौं । भारतले नेपालको राष्ट्रिय पुनर्निर्माण प्राधिकरणका लागि सल्लाहकार नियुक्त गरेको छ । भारतीय प्रशासन सेवाका भी थिरुपुगललाई भारतीय मन्त्रिपरिषद्ले नेपालको पुनर्निर्माणका लागि सल्लाहकार निुयुक्त गरेको हो ।
उनले सुरुवातमा ६ महिनाका लागि नियुक्ति पाएका छन् । उनले नेपालमै आएर पुनर्निर्माणका लागि आवश्यक परामर्श दिनेछन् ।
अहिले थिरुपुगल भारतको राष्ट्रिय विपद नियन्त्रण प्राधिकरणमा कार्यरत छन् । उनी १९९१ देखि सरकारी सेवामा प्रवेश गरेका थिए ।
अब उनले नेपालमा हुने पुनर्निर्माणमा आफ्नो विज्ञताका आधारमा सल्लाह दिने भारतीय सरकारी समाचार संस्था पीटीआइले जनाएको छ ।