१५ असार, काठमाडौं । दक्षिण कोरिया, अमेरिका र जापानले पहिलोपटक संयुक्त रुपमा व्यालेस्टिक क्षेप्यास्त्र सुरक्षा कवचको परीक्षण गरेका छन् । तीनवटै देशले आफ्नो सञ्चार र तथ्यांक संकलनको पनि परीक्षण गरेका छन् ।
सुरक्षा कवचको परीक्षण अमेरिकाको हवाई द्वीपमा गरिएको हो । अमेरिकी सेनाले यो परीक्षणबाट तीन देशबीचको सम्बन्ध अझै मजबुत हुने विश्वास व्यक्त गरेको छ ।
अमेरिकी नौसेनाका अनुसार यस परीक्षणका लागि कुनै पनि मिसाइल प्रयोग गरिएन तर हरेक देशहरुले सुरक्षा कवचको परीक्षण गर्दा मिसाइलको पनि प्रयोग गर्दछन् ।
यो सुरक्षा कवचले दुश्मनको मिसाइलले क्षति पुर्याउनुभन्दा अघि नै आकाशमै प्रहार गरी जमिनमा खसाल्दछ ।
तीन देशका यस संयुक्त परीक्षण हालै उत्तर कोरियाको तर्फबाट कैयौं मिसाइल परीक्षण गरिएको समाचार सार्बजनिक भएलगत्तै गरिएको छ ।
उद्यपी उत्तर कोरियाका धेरैजसो परीक्षणहरु असफल भएका थिए । तर पछिल्लो हप्ता छैठौं परीक्षण सफल भएपछि त्यस वरपरका हरेक देशले सतर्कता अपनाएका थिए ।
उत्तर कोरियाले चारपटक परमाणुको पनि परीक्षण गरिसकेको छ । उसले त्यस परीक्षणलाई सेनाको आवश्यकता भनेको थियो ।
– एजेन्सीको सहयोगमा
