केही समयदेखि प्रेममा रहेका बलिउड नायक सलमान खानलाई अब उनकी प्रेमिकाले विभिन्न कुरामा हस्तक्षेप गर्न थालेकी छिन् । सार्वजनिक रुपमै एकसाथ देखिएर प्रेमलाई घुमाउरो तरिकाले स्विकार गरेपछि सलमानकी प्रेमिका लुलिया वन्तुर उनीमाथि हावी देखिन थालेकी हुन् ।
सलमान र लुलियाले यो महिनाको डिसेम्बरमा बिहे गर्न लागेको चर्चा मिडियामा लामो समयदेखि चल्दै आएको छ । तर, यी दुबैले यस बिषयमा अफिसियल घोषणा भने गरेका छैनन् ।
सलमानको ग्यालेक्सी अपार्टमेन्टमा उनका महिला साथीहरु समय-समय आउने गरेका छन् । तर, अब लुलियाले मध्यरातसम्म ग्यालेक्सीमा बस्न प्रतिवन्ध लगाइदिएकी छिन् ।
विशेषगरि, नायिका डेजी शाहको आवतजावत लुलियालाई मन परेको थिएन । डेजी मध्यरातसम्म सलमानको अपार्टमेन्ट रहन थालेपछि लुलियाले यस बिषयमा प्रेमीसँग कुरा गरेकी थिइन् । डेजीले सलमानलाई लुलियासँग बिहे नगर्न सुझाव पनि दिएकी थिइन् । यसैले पनि होला डेजी ग्यालेक्सी आएको लुलियालाई मन परेको छैन । यस बिषयमा सलमानसँग उनले कुरा पनि गरेको भारतीय मिडियोको दाबी छ ।
डेजीदेखि सलमानकी पूर्व प्रेमिका संगीता विजलानी पनि ग्यालेक्सी आएको लुलियालाई रुचाएकी थिइनन् । अब भने, मध्यरातसम्म ग्यालेक्सीमा नबस्न सलमानका निकट साथीहरुलाई लुलियाकै आग्रहमा भनिएको छ ।