काठमाडौं । स्पेनिस सुपर कपका खेलहरुको समय केहि परिवर्तन गरिएको छ । बार्सिलोना र सेभियाबीच हुने सुपरकपको पहिलो लेग आगामी साउन ३० गते र दोस्रो लेग भदौ १ गते हुने भएको छ ।
यसअघि साउन २८ र ३१ गते खेल खेलाउने तय भएको थियो । तर साउन २५ गते युरोपियन सुपर कपको उपाधिका लागि सेभियाले नर्वेमा हुने खेलमा रियल मडि्रडसँग प्रतिस्पर्धा गर्ने तालिका रहेकाले स्पेनिस सुपरकपको खेल केहि पर धकेलिएको हो ।
ला लिगा च्याम्पियन बार्सिलोना र कोपा डेल रेको उपबिजेता सेभियाबीच प्रतिस्पर्धा हुने छ । कोपा डेल रे को बिजेतापनि बार्सिलोना भएका कारण उपबिजेतासँग सुपरकपको उपाधिका लागि प्रतिस्पर्धा गराइन लागेको हो ।
साउन ३० गते हुने पहिलो लेग सेभियाको घरेलु मैदान स्डेडियो रोमन सान्चेस पिजुवानमा हुनेछ । त्यसको तीन दिनपछि बार्साको घरेलु मैदान नाउ क्याम्पमा दोस्रो लेग हुनेछ । दुवै लिगको अमग्र नतिजाका आधारमा बिजेता घोषणा गरिनेछ ।
स्पेनिस सुपरकप दोस्रो लेगको खेलको ४ दिनपछिमात्रै ला लिगा सुरु हुनेछ । स्पोनियल र रियल बेटिसबीचको खेलसँगै आगामी भदौ ४ देखि ला लिगा सुरु हुँदैछ ।
