नीतालाई फकाउँदै अनिल

गायक उद्दिपध्वज थापाको आवाजमा समावेश ‘झम्के’ माया बोलको गीतको भिडियो रिलिज भएको छ । यो भिडियोमा नायिका नीता ढुंगाना र मोडल अनिल थापा देखिएका छन् ।

यो गीतमा रामो दुनो तीनो जस्ता शब्द प्रयोग गरिएको छ, जसले राम्रो अनी एक दुई तीन भन्ने वुझाउछ । भिडियोमा होली, मेला तथा तिहारका दृश्यहरुलाई समावेश गरिएको छ । अनिलले नीतालाई भिडियोमा फकाउने कोशिश गरेका छन् ।

दीपेन्द्र केसीले निर्देशन गरेको यो भिडियोमा प्रेम, रोमान्सलाई देखाइएको छ । गीतमा राजनराज सिवाकोटीको शब्द तथा संगीत छ ।