१६ साउन, काठमाडौं । नेपाली कांग्रेसका सभापति शेरबहादुर देउवाले महालक्ष्मी उपाध्याय ‘डिना’लाई केन्द्रीय सदस्यमा मनोनित गरेका छन् ।
उपाध्याय गत फागुनमा भएको महाधिवेशनमा खुला २५ तर्फ प्रतिस्पर्धा गर्ने दुई महिला मध्ये एक थिइन् । सुजाता कोइराला निर्वाचित भइन् भने उनी पराजित भइन् ।
सभापति देउवाले पार्टी विधानको धारा २१ को उपधारा ७ अनुसार केन्द्रीय सदस्यमा नियुक्त गरेको कांग्रेस मुख्य सचिव कृष्णप्रसाद पौडेलले जारी गरेको विज्ञप्तिमा उल्लेख छ ।
