काठमाडौं । बेलायतको राजधानी लण्डन शहरको मध्य भागमा एक व्यक्तिले मानिसहरुमाथि चक्कको हमला गरेका छन् ।
एक सन्की व्यक्तिको आक्रमणमा १ महिलाको मृत्यु भएको छ भने अन्य पाँचजना घाइते भएका छन् । पुलिसले रसेल स्क्वायरबाट एक पुरुषलाई पक्राउ गरेको छ ।
रसेल स्क्वायरमा एक पुरुषले चक्कु हातमा लिएर मानिसहरुलाई महला गरिरहेको सूचना फोनमार्फत पाएपछि पुलिस तथा एम्वुलेन्स घटनास्थलमा पुगेका थिए ।
बेलायती प्रहरीले भनेको छ कि उसले घटनाको अनुसन्धान गरिरहेको छ र उसले यो चरमपन्थी हमला हुनसक्ने संभावनामाथि पनि बिचार गरिरहेको छ ।
बेलयती स्थानीय सञ्चारमाध्यमका अनुसार घटनास्थल वरपर ठूलो सङख्यामा प्रहरी परिचालन गरिएको छ भने प्रहरीले घेराबन्दी अझै बढाएको छ ।
यस घटनामा घाइते हुनेहरुको बारेमा अहिलेसम्म कुनै जानकारी सार्वजनिक गरिएको छैन ।