नायिकापछि नायकको जन्मदिन सेलिव्रेशन, ‘ग्याङस्टार ब्लूज’का लागि शरीर बनाउँदै आशिरमान

केही महिना अगाडि घोषणा भएको चलचित्र ‘ग्याङस्टार ब्लूज’को छायांकन सुरु हुन अझै केही महिना बाँकी छ । चलचित्रको तयारीका लागि लामो समय लिइएको हो । यही चलचित्रबाट डेब्यू गर्न लागेका नव-नायक आशिरमान देसराज श्रेष्ठको १८ औ जन्मदिन चलचित्रको यूनिटले आयोजना गरेको छ ।

चलचित्रका निर्माता तथा मुख्य कलाकारहरुको उपस्थितीमा उनको जन्मदिन मनाइएको थियो । निर्माता सरोज न्यौपानेका अनुसार, आशिरमान भविष्यका स्टार हुन् र उनलाई विशेष सम्मान दिनका लागि केक काटिएको हो ।
आशिरमानको जन्मदिन सेलिव्रेशनमा चलचित्रका निर्देशक हेमराज वीसी, नायिका आना शर्मा पनि उपस्थित थिए । यस्तै, ‘चपली हाइट २’ जोडी आयुष्मान देसराज र परमिता राणा पनि आशिरमानलाई शुभकामना दिन पुगेका थिए । नायिका नम्रता श्रेष्ठ आफ्ना प्रेमी दावा शेर्पासँग एटिक बार पुगेकी थिइन् ।

चलचित्रका लागि आशिरमानले सिक्स प्याक्स बनाइरहेका छन् । यसैले चलचित्रको छायांकनका लागि समय लिइएको हो । केही समय अगाडि चलचित्रकी नायिका आनाको जन्मदिनमा पनि निर्माताले केक काटिदिएका थिए ।

तस्बिरः विनोद पोख्रेल