२१ भदौ काठमाडौं । देशकै सबैभन्दा ठूलो दूरसञ्चार प्रदायक कम्पनी नेपाल टेलिकम प्रमुखविहीन भएको छ । टेलिकमका प्रबन्ध निर्देशक बृद्धिप्रसाद आचार्यको दुई वर्षे कार्यकाल आइतबारदेखि सकिएको हो ।
योसँगै नेपाल टेलिकम तत्कालका लागि प्रमुखविहीन भएको छ । प्रमुख नियुक्ति प्रत्रिया भने अझ एक साता लाग्ने भएको छ ।
नेपाल टेलिकम मोबाइल सेवा, ल्याण्डलाइन फोन सेवा, इन्टरनेट लगायत सुविधा दिँदै आइरहेको नेपाल सरकारको स्वामित्वमा रहेको संस्था हो ।
२०७१ भदौ २० गते देखि प्रमुख पदमा रहेका आचार्यको कार्यकाल २०७३ भदौ १९ गते सकिएको हो । देशकै अग्रणी दूरसञ्चार प्रदायक कम्पनी प्रमुखविहीन हुँदा दैकिन कार्य सञ्चालन तथा नीतिगत तथा प्राविधिक निर्णयहरु रोकिने अवस्था आएको छ । यसले टेकिलमको सेवामा समेत असर पर्न सक्छ ।
टेलिकम प्रमुखकै लागि निवर्तमान प्रवन्ध निर्देशक बृद्धिप्रसाद आर्चाय लगायतका १३ जना प्रतिस्पर्धामा छन् । नेपाल टेलिकमको बजार हिस्सा दूरसञ्चार क्षेत्रमा ५७ प्रतिशतको हारहारीमा छ ।
प्रतिक्रिया 4