१९ कात्तिक, काठमाडौं । गोर्खा भर्ती केन्द्रको विरोध गर्ने विप्लव माओवादीका ११ नेता-कार्यकर्तालाई प्रहरीले पक्राउ गरेको छ । प्रहरीले काठमाडौंको शान्तिवाटीकाबाट नेता अनिल शर्मा ‘विरही’सहित ८ जनालाई र असनको इन्द्रचोकबाट ३ जनालाई फक्राउ गरेको हो ।
पक्राउ परेकाहरूमा विप्लव माओबादीका पोलिटब्युरो सदस्य बिरहीसहित, केशव शर्मा, आकास भेटवाल, प्रकाश अधिकारी, ध्रुव अधिकारी, टंक जोशी, दुर्गा अधिकारी, सुर्य भुजेल लगायत छन् ।
विप्लव माओवादीले शुक्रबार शान्तिवाटीकामा भेला भएर जुलुससहित लैनचौरस्थित भारतीय दूतावास पुग्ने र ज्ञापनपत्र बुझाउने कार्यक्रम थियो । तर, प्रहरीले शान्तिवाटीकामा भेला भएका नेता-कार्यकर्ताहरुलाई लाठीचार्ज गरी तितर-वितर पारेको माओवादी नेता माइला लामाले जानकारी दिए ।
लामाका अनुसार प्रहरी हस्तक्षेपका कारण भारतीय दूतावासमा पुगेर ज्ञापनपत्र बुझाउने कार्यक्रमसमेत स्थगित गरिएको छ ।
प्रतिक्रिया 4