कतिपय महिलाहरु कुनै यौन सम्पर्क तथा विवाहबिनै जीवनभर एकल रहन चाहन्छन् । तपाइँले कैयन् यस्ता महिलाहरु देख्नुभएको होला । जो कहिल्यै पनि विवाह नगर्ने अडानमा हुन्छन् र गर्दैनन् पनि ।
उनीहरुको कौमार्यको बारेमा यकिन भन्न सकिने कुरा त भएन तर उनीहरुमध्ये धेरैको दाबी चाहीँ आफू कुमारी नै रहेको भन्ने हुन्छ । आखिर महिलाहरु यसरी कुमारी तथा अविवाहित हुनुको कारण के हो त ? के उनीहरुलाई कुनै पनि पुरुष मन पर्दैन ? वा उनीहरुले आफूले मन पराएको मानिस फेला पार्नै सक्दैनन् ?
मनोविज्ञहरुका अनुसार महिलाहरु विवाह नगरी एक्लै बस्न चाहनुको मूल कारण पुरुषहरुले धोका दिन्छन् भन्ने मानसिकता नै हो । पुरुषहरु इमानदार हुँदैनन्, धोका दिन्छन् भन्ने सोचाइका कारण उनीहरु पुरुषसँग वैवाहिक तथा शारीरिक सम्बन्ध बनाउन चाहँदैनन् जसका कारण उनीहरु पछि धोका खाएर रुनु परोस् ।
कोही महिलाहरु प्रेम तथा यौनबाट पनि टाढा रहन्छन् । किनकी धोकेबाज पुरुषहरु सँग सम्बन्ध गाँसेर भविष्यमा रुनुभन्दा विन्दास जिवन बनाउनु निको ठान्छन् उनीहरु । उनीहरु केटा साथी त बनाउँछन् तर
अन्तरंग सम्बन्ध तथा विवाहको बारेमा सोँच्दैनन् । प्रेम सम्बन्ध गाँस्ने झन्झट पनि गर्दैनन् उनीहरु । अनि एक्लै बस्नु उत्तम हुने सोँचाई राख्दछन् ।
उनीहरुले लिभ इन सम्बन्धको बारेमा बुझ्दैनन् । उनीहरु कसैको बन्धन तथा मातहतमा बस्न चाहँदैनन् । आफ्नै शर्तमा जिवन जिउन चाहन्छन् । उनीहरु सम्झौता गर्न चाहन्नन् जिवनको मामिलामा ।
अरुका कारण आफू बदलिन चाहँदैनन् । कहिलेकाहीँ करिअरलाई धेरै महत्व दिनाले पनि महिलाहरुले प्रेम तथा सम्बन्धका लागि समय निकाल्न सक्दैनन् । उनीहरुको विचार फरक हुन्छ । उनीहरुलाई शारीरिक रुपमा सम्बन्ध गाँस्नु मन पर्दैन र बौद्धिक रुपमा जोडिन चाहन्छन् । कुनै पुरुषसँग लगाव राख्दा पुरुषको माग नै शारीरिक सम्बन्धको रहन्छ भन्ने सोँचाई उनीहरुको हुन्छ । त्यसैले उनीहरु पुरुषसँग सम्बन्धमा गाँसिन चाहन्नन् ।
कतिपय महिलाहरु चाहीँ जिवनमा एक उपयुक्त पुरुषको पर्खाइमा हुन्छन् । तर कुन प्रकारको लाइफ पार्टनर आफूलाई चाहिएको हो भन्ने कुरा चाहीँ उनीहरुलाई नै थाहा हुँदैन । कोही पुरुषले उनीहरुसँग ‘ज्यू हजूरी’ गर्यो भने उनीहरु त्यसलाई चाप्लुस ठान्छन् । कोही पुरुषले बराबरीको कुरा गर्यो भने उनीहरुलाई लाग्छ कि त्यसले ठूलो कुरा गर्दैछ ।
अनि कोही पुरुषले उनीभन्दा धेरै समझदारीको कुरा गर्यो भने महिलाहरु सोँच्छन् कि त्यो पुरुषले आफूमाथि आधिपत्य जमाउँदैछ । जसकारण उनीहरु आफूले खोजेजस्तो पुरुष नै फेला पार्न सक्दैनन् । र, जिवनभर एकल नै रहनुपर्छ ।
