‘बेहुली’ शुक्रबारदेखि २३ अमेरिकी राज्यमा प्रदर्शनमा आउने

News Summary

Generated by OK AI. Editorially reviewed.

अर्जुन पोखरेलले निर्माण गरेको फिल्म ‘बेहुली’ १८ सेप्टेम्बरदेखि अमेरिकामा प्रदर्शन हुने भएको छ।
सेभेन सिज इन्टरनेसनलले फिल्मलाई २३ अमेरिकी राज्यका हलमा रिलिज गर्न लागेको छ।
निर्माता पोखरेलले फिल्मलाई अन्य मुलुकमा पनि प्रदर्शन गर्ने तयारी भइरहेको बताएका छन्।

काठमाडौं । अर्जुन पोखरेलले निर्माण गरेको फिल्म ‘बेहुली’ शुक्रबारदेखि अमेरिकामा रिलिज हुने भएको छ । निर्माताद्वारा प्रेषित विवरणमा जनाइएअनुसार, यो फिल्म १८ सेप्टेम्बरदेखि त्यहाँ प्रदर्शन हुन लागेको हो ।

सेभेन सिज इन्टरनेसनलले यो फिल्मलाई २३ अमेरिकी राज्यका हलमा प्रदर्शनमा ल्याउन लागेको हो । जसअनुसार, यो फिल्म
टेक्सास, एरिजोना, केन्टकी, मेरिल्यान्ड, कोलोराडो, मिजौरी, नेब्रास्का, ओहायोमा लाग्नेछ ।

साथै इलिनोइस, नेभाडा, न्यूयोर्क सिटी, नर्थ क्यारोलाइना, नर्थ डकोटा, ओरेगन, पेन्सिलभेनिया, साउथ डकोटा, युटा, क्यालिफोर्निया, आयोवा, विस्कन्सिन, अलास्का, म्यासाचुसेट्स र न्यु ह्याम्पसायरमा प्रदर्शनमा आउनेछ ।

अमेरिकाका विभिन्न राज्यमा रहेका सिनेमार्क, मार्कस, हार्किन्स, एप्पल सिनेमाजलगायतका हलमा फिल्म रिलिज हुने जनाइएको छ । फिल्मलाई अन्य मुलुकमा समेत प्रदर्शनको तयारी भएको निर्माता पोखरेलले जनाए ।

अहिले नेपालमा प्रदर्शन भैरहेको यो फिल्ममा पारस बम, दिब्या रायमाझी, सुशान्त कार्की, पदम तामाङ, सन्तोष बानियाँ लगायतको अभिनय छ ।