धारा २७४ खारेज गरेर भएपनि सीमांकन हेरफेर गरौंः संघीय गठवन्धन

२० पुस, काठमाडौं । मधेसी मोर्चासहितको संघीय गठवन्धनले संविधानको धारा २७४ खारेज गरेर भएपनि प्रदेशको सीमांकन हेरफेर गर्नु पर्ने माग गरेको छ । साथै उसले संविधान संशोधनबारे सर्वोच्चको आदेशलाई सकारात्मक भनेको छ ।

गठवन्धनको बुधबार बसेको बैठकमा संविधान संशोधनबारे सर्वोच्चको आदेशबारे छलफल भएको थियो । बैठकले सर्वोच्चको आदेश सकारात्मक भनेको छ । साथै सीमांकन हेरफेरका लागि प्रदेशको सहमति लिनु पर्ने संविधानको धारा २७४ खारेज गरेर भएपनि संविधान संशोधन गर्नु पर्नेमा जोड दिएको छ ।

गठवन्धनका संयोजक एवं संघीय समाजवादी फोरम नेपालका अध्यक्ष उपेन्द्र यादवले भने, ‘संविधानको कुनै पनि धारालाई संशोधन, खारेज वा परिवर्तन गर्न सक्छ यो अधिकार विधायिकामा छ । र, आवश्यक सम्झियो भने त्यो २७४ लाई पनि खारेज गर्न सक्छ ।’

सात प्रदेशले मुलुकको समस्या समाधान गर्न नसक्ने भन्दै यादवले भने, त्यसका लागि (प्रदेश बनाउन) ढोका बन्द गर्नु हुँदैन ।’