एप्पलको लोकप्रिय प्रडक्ट आइफोनले कुनै खास वर्गका मानिसहरुको पर्खाल तोडेर अहिले आम मानिसको हृदयमा ठाउँ बनाइसकेको छ । आइफोनको १० औँ वाषिर्कीका उपलक्ष्यमा बोल्दै कम्पनीका सिइओ टिम कुकले कम्पनीका तर्फबाट अझै सर्वोत्कृष्ट त आउनै बाँकी रहेको बताएर उपभोक्तामा हुटहुटी जगाइदिएका छन् । आइफोनको दशौँ वाषिर्कोत्सवका अवसरमा आउनुहोस् जानौँ आइफोन बारेका १० तथ्य:
१. एप्पलले आफ्नो पहिलो आइफोन सन् २००७ मा लञ्च गरेको हो ।
२. आइफोनको हरेक विज्ञापनमा उसको स्कृनकाे घडीमा ९ बजेर ४१ मिनेट गएको देखाइएको हुन्छ । वास्तवमा यो पहिलो आइफोन लञ्च भएको समय हो ।
३. प्रयोगकर्तासँग कुराकानी गर्ने सिरीलाई एप्पलले सन् २०१० को अपि्रलमा खरीद गरेको हो ।
४. स्मार्टफोनका विषयमा गरिएको अध्ययन अनुसार सबैभन्दा बफादार ग्राहक आइफोनका हुने गरेका छन् ।
५. टाइम म्यागेजिनले सन् २००७ मा आइफोनलाई वर्षको सर्वोत्कृष्ट आविष्कार घोषणा गरेको थियो ।
६ आइफोनको सबैभन्दा महंगो पाटपुर्जा भनेको उसको रेटिना स्कृन हो ।
७. पहिले सिस्को कम्पनीले आइफोन भन्ने नाम आफ्नो नाममा पेटेन्ट दर्ता गराएको थियो । पछि दुई कम्पनीबीच सम्झौता भएपछि त्यसलाई एप्पलले दर्ता गरी प्रयोग गर्यो ।
८. एप्पलको एप स्टोर प्रविधि जगतको पहिलो त्यस्तो डिजिटल प्लाटर्फम हो जहाँबाट प्रयोगकर्ताले कानूनी रुपमा एपहरु डाउनलोड गर्न थाले ।
९. एप्पल र सामसुंग एक अर्काका प्रतिस्पर्धी हुन् तर आइफोनका प्रोसेसर सामसुंग कम्पनीले नै बनाउँदछ ।
·१०. जापानमा आइफोन किन्नका लागि एक व्यक्ति ७ महिनासम्म लाइनमा लागेका थिए । एजेन्सी
