Comments Add Comment

निगमको वाइडबडी विमानस्थलको ट्याक्सी-वेमा अडि्कयो

१२ चैत, काठमाडौं । नेपाल वायुसेवा निगम (नेपाल एयरलाइन्स)को वाइडबडी विमान ‘अन्नपूर्ण’ त्रिभुवन विमानस्थलमा ट्याक्सी-वे करिब २ घण्टा बढी अडि्कएको छ । दिउँसो पार्किङबाट ह्याङ्गरमा लाने क्रममा विमान तान्ने गाडी (टो भेहिकल बार) बिग्रिएपछि करिब एक घण्टा विमानस्थलको सेवा प्रभावित भएको विमानस्थल स्रोतले बतायो ।

करिब १२ बजेदेखि २ बजेसम्म विमानस्थलको सेवा प्रभावित भएको हो ।

‘ट्याक्सी वेमै विमान अड्किएपछि करिब एक घण्टा विमानस्थलको सेवा प्रभावित बन्यो,’ विमानस्थलका एक अधिकारीले भने । ट्याक्सी-वे विमानस्थलको पार्किङमा जाने-आउने बाटो हो ।  ट्याक्सी-वे विमान अडि्कएपछि विमानस्थलमा उडान-अवतरण रोकिन पुगेको थियो ।

हाल विमानलाई तानेर ह्यांगरमा लगिसकिएको छ । र, विमानस्थलको सेवा पनि सञ्चालनमा आइसकेको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment