२ फागुन, काठमाडौं । नेपाल टेलिकमको जिएएसएम प्रिपेड र पोस्टपेडमा एसएमएस सेवा अवरुद्ध भएको छ । टेलिकमले एसएमएस सेवामा समस्या आएको भन्दै सुचारु हुन केही समय लाग्ने बताएको छ ।
प्राविधिक समस्याका कारण सेवा अवरुद्ध भएको बताउँदै टेलिकमका प्रवक्ता सोभन अधिकारीले समस्या सुल्झाउन प्रयत्न भइरहेको बताए ।
‘के कारणे समस्या आयो भन्ने पत्ता लागिस्क्यो । अहिले सिस्टमलाई मर्मत गनर्ने काम भइरहेको छ’ अधिकारीले भने,’केहीबेरमा समस्या हट्छ ।’
दिउँसो दुईबजेदेखि मोबाइलमार्फत हुने एसएमएसमा समस्या आएको हो । टेलिकमले भने ३ बजेपछिमात्रै आफूले यसको जानकारी पाएको बताएको छ ।
सेवा अवरुद्ध हुँदा टेलिकमका लाखौं प्रयोगकर्ता समस्यामा परेका छन् ।
