४ चैत, काठमाडौं । स्टिभ स्मिथ र ग्लेन म्याक्सवेलको शतकको मदतमा भारतविरुद्धको तेस्रो टेष्टमा अष्ट्रेलियाले ४५१ रन बनाएको छ ।
राँचीमा ४ विकेटको क्षतिमा बनाएको २९९ रनबाट अघि खेल्न थालेको अष्ट्रेलिया ४५१ मा अलआउट भयो । म्याक्सबेल १०४ रन बनाएर आउट भए भने स्मिथ १७८ रनमा अविजित रहे ।
उसका अन्य ब्याट्सम्यानले भने उल्लेख प्रदर्शन गर्न सकेनन् । म्याथु वेड ३७ रनमा आउट भए ।
भारतका रविन्द्र जडेडाले दोस्रो दिन चारसहित ५ विकेट लिए । उमेश यादवले ३ विकेट लिए ।