१६ वैशाख, पथरी (मोरङ) । गरिबी निवारण कोष मोरङले उत्कृष्ट संस्था र सदस्यलाई शुक्रबार पुरस्कृत गरेको छ ।  कोषको सहयोगमा मोरङमा गठित सामुदायिक संस्था र तिनका सदस्यमध्येबाट उत्कृष्ट भएकालाई सिर्जनशील पुरस्कार प्रदान गरिएको हो ।

पुरस्कृत हुनेमा कोलबोटे सामुदायिक संस्था, लेटाङ–७, सरस्वती सामुदायिक संस्था, धनपालथान–३, सृष्टि सामुदायिक संस्था ग्रामथान–१, रामादेवी राजवंशी, कटहरी–६ र कमलीदेवी शर्मा, धनपालथान–४ छन् । पुरस्कृत संस्था प्रत्येकलाई रु १५ हजार र सदस्यलाई रु १२ हजार पाँच सय हस्तान्तरण गरिएको छ ।