३१ बैशाख, काठमाडौं । छिटपुट घटना बाहेक पहिलो चरणको स्थानीय चुनाव शान्तिपूर्ण भएको छ । निर्वाचनमा मतदाताहरुको उत्साहजनक रुपमा सहभागीता छ ।
गोर्खाको चुमनुब्री गाउँपालिका- १ को साम्देमा मतदान सम्पन्न भइसकेको छ । त्यहाँ ७१ मतदातामध्ये ७० मत खसेको छ ।
दोलखामा भने तनावको अवस्था सिर्जना भएको छ । कांग्रेस र एमालेबीच झडप भएपछि आलम्पु केन्द्रमा मतदान रोकिएको छ ।
रामेछापको दोरम्बा गाउँपालिका-५ स्थित टोकरपुरको एउटा मतदान केन्द्रमा झडप भएपछि मतदान स्थगित भएको छ ।
नमोबुद्ध नगरपालिका-४ काफ्लेथोकस्थित जनक माविका दुईवटा केन्द्रमा मतदान रोकिएको छ । । शनिबार राति नवराज पाठकको हत्या भएको घटनाको कारण मतदान सुरु हुन नसकेको हो ।
क्षेत्रनम्बर ६ अन्तर्गत सुर्खेत, दैलेख र रुकुममा पनि शान्तिपूर्ण रुपमा निर्वाचन भइरहेको निर्वाचन आयोगले जनाएको छ ।
भक्तपुरको गठ्ठाघर र मध्यपुर थिमीमा भेटिएका सकेट बम नेपाली सेनाले निष्कृय पारेको छ ।
प्रतिक्रिया 4