१६ जेठ, भोजपुर । नेकपा एमालेले भोजपुर जिल्लाका सबै ९ वटै स्थानीय तहका उम्मेदवार तय गरेको छ । जिल्लामा कांग्रेस, माओवादी र संघीइ समाजवादीले भने चुनावी तालमेल गर्ने भएका छन् ।
भोजपुरमा एमालेविरुद्ध कांग्रेस, माओवादी केन्द्र र संघीय समाजवादी फोरमबीच चुनावी तालमेल हुने भएको छ । हालसम्म टेम्के मैयुङ गाउँपालिका र सिल्पा सिलिछो गाउँपालिकामा तीन दलबीच तालमेल भइसकेको छ भने अन्य स्थानीय तहमा पनि तालमेलका लागि छलफल भइरहेको छ ।
टेम्के मैयुङ गाउँपालिकामा संघीय समाजवादीका अध्यक्ष उम्मेदार रामसिंह राईलाई कांग्रेस र माओवादीले समर्थन गरेका छन् ।
जिल्लाभरि एमालेविरुद्ध तालमेल गरेर जाने बारे छलफल भइरहेको संघीय समाजवादीले जनाएको छ ।
एमालेले छान्यो चुनावी हस्ती
दुई नगरपालिका र ७ गाउँपालिका रहेको भोजपुरमा एमालेले केही उम्मेदवारहरु जिल्लाबाटै टुंगो लगाएको छ भने बाँकीको टुंगो १ नम्बर प्रदेश कमिटीले लगाएको छ ।
एमालेले भोजपुर नगरपालिकाको मेयरमा गणेश श्रेष्ठ र उपमेयरमा ममिता राईलाई खडा गरेको छ । जिल्ला सदरमुकाम रहेको भोजपुर नगरपालिकालाई सबै पार्टीले प्रतिष्ठाको विषय बनाएका छन् ।
त्यस्तै जिल्लाको अर्को षडानन्द नगरपालिकामा एमालेले मेयरमा सुरेन्द्र उदास र उपमेयरमा मेरिका राईलाई खडा गरेको छ ।
एमालेका जिल्ला अध्यक्ष प्रेमकुमार राई हतुवागढी गाउँपालिकाको अध्यक्षका उम्मेदवार बनेका छन् भने उपाध्यक्ष सुरेन्द्र उदास षडानन्द नगरपालिकाको मेयर उम्मेदवार बनेका छन् ।
यस्ता छन् भोजपुरका एमाले उम्मेदवार
१ भोजपुर नगरपालिकाः मेयर गणेश श्रेष्ठ, उपमेयर ममिता राई
२ षडानन्द नगरपालिकाः मेयर सुरेन्द्र उदास,उपमेयर मेरिका राई
३ साल्पा सिलिछो गाउँपालिकाःअध्यक्ष खगेन्द्र राई,उपाध्यक्ष बाँकी
४ अरुण गाउँपालिकाःअध्यक्ष नारायण घिमिरे,उपाध्यक्ष कविता राई
५ ट्याम्के मैयुम गाउँपालिकाःअध्यक्ष धु्रव राई,उपाध्यक्ष इन्द्रावती राई
६ रामप्रसाद राई गाउँपालिकाः अध्यक्ष बिजय राई,उपाध्यक्ष कृतिका राई
७ःहतुवागढी गाउँपालिकाःअध्यक्ष प्रेमकुमार राई,उपाध्यक्ष चन्द्रमा राई
८ः आमचोक गाउँपालिकाःअध्यक्ष बहादुर राई,उपाध्यक्ष दिव्यकला राई
९ःपौवादुङ्गा गाउँपालिकाःअध्यक्ष किरण राई,उपाध्यक्ष ज्योत्सना राइ