शनिबार काठमाण्डौको हायात होटलमा आयोजित ‘पाँचौ एनएफडीसी राष्ट्रिय चलचित्र पुरस्कार’मा प्रियंका कार्कीले ‘छक्का पन्जा’ चलचित्रबाट ‘उत्कृष्ट नायिका’को पुरस्कार प्राप्त गरिन् । यस्तै, चलचित्र ‘जात्रा’बाट कलाकार विपिन कार्कीले ‘उत्कृष्ट अभिनेता’को पुरस्कार प्राप्त गरे ।

बर्षकै पहिलो अवार्डको रुपमा आयोजित ‘एनएफडीसी राष्ट्रिय चलचित्र पुरस्कार’मा ‘छक्का पन्जा’ले ‘उत्कृष्ट चलचित्र’को पुरस्कार प्राप्त गर्दै गर्दा यसै चलचित्रकी निर्देशक दीपाश्री निरौला ‘उत्कृष्ट निर्देशक’ हुन सफल भइन् ।
‘छक्का पन्जा’ले उत्कृष्ट नायिकाको साथमा उत्कृष्ट चलचित्र, उत्कृष्ट निर्देशक, उत्कृष्ट हाँस्य कलाकारको विधामा अवार्ड जितेको थियो । यस्तै, चलचित्र ‘पुरानो डुङ्गा’ले भने ‘उत्कृष्ट संगीतकार, उत्कृष्ट छायांकार, उत्कृष्ट पटकथा, उत्कृष्ट सह-अभिनेत्री, उत्कृष्ट सह-अभिनेताको अवार्ड जितेको थियो ।

‘हिजोलाई सम्मान, आजलाई प्रोत्साहन, भोलीलाई उत्थान’ भन्ने मुल नाराका साथ अवार्ड आयोजना भएको थियो । नायिका मनिषा कोइराला कार्यक्रमको विशेष आकर्षणमा रहिन् ।

यस्तै, चलचित्र ‘डाइङ क्यान्डल’ले ‘मह जुरी राष्ट्रिय चलचित्र पुरस्कार, चलचित्र ‘छक्का पन्जा’ले ‘कुसुमे रुमाल सर्वोत्कृष्ट व्यवसायिक चलचित्र पुरस्कार प्राप्त गरे । यस्तै, ‘पुष्कर सर्वोत्कृष्ट पत्रकारिता पुरस्कार’बाट कान्तिपुर दैनिकमा कार्यरत पत्रकार सुशिल पौडेललाई पुरस्कृत गरियो । यी तिन वटै विधामा पुरस्कृतलाई ट्रफी सहित जनही ५ हजार नगद पुरस्कार पनि प्रदान गरिएको थियो । कार्यक्रममा नायिका प्रियंका कार्की, नायक यशराज, जेबिका कार्की, एनी कुँवर लगायतले नृत्य प्रस्तुत गरेका थिए ।
विभिन्न २१ विधामा वितरण गरिएको पुरस्कारका विजेता र चलचित्रको नाम यसप्रकार छः