कपिल शर्माले जब भारती सिंहलाई आफ्नो शोमा समावेश हुनका लागि मनाएका थिए, उनलाई लागेको थियो होला कि शोको गिर्दो टिआरपी अब माथि उठ्नेछ । तर, सुटिङको पहिलो दिन नै उनलाई झट्का लागेको छ ।
भारती पहिलो दिन नै असन्तुष्ट भएर कुनै सुटिङ नगरी सेटबाट हिँडेकी छिन् । उनले आफ्नो इन्ट्री सिनमा असन्तुष्टी जनाएकी थिइन् ।
समाचारअनुसार भारती त्यस दिन बेलुकी ८ बजेसम्म कपिल शर्माको अफिसमा थिइन् र त्यहाँ यही विषयमा छलफल चलिरहेको थियो । भारतीले खुलेर आफ्नो असन्तुष्टी पोखेकी थिइन् ।
भारतीका व्वाइफ्रेन्ड हर्षको सहमतिपछि नै उक्त सिन तय गरिएको बताइन्छ । तर भारतीलाई यो बिलकुल मन परेन र उनले यसलाई पुरै बदल्न चाहिन् । यो कुरा उनले खुलेर कपिल शर्मालाई बताइसकेकी छिन् । अहिले कपिलको शोको टिमले भारतीको इन्ट्रीका लागि नयाँ सिन बनाइरहेका छन् । कपिल पक्कै पनि भारतीलाई चिढ्याउन चाहँदैनन् ।